El paru dispárase en xineru

El web del Institutu Nacional d'emplegu ta acabante de colgar los datos de la estadística del paru correspondientes al mes de xineru del 2.003, que dexa'l númberu oficial de demandantes d'emplegu n'Asturies en 58.590 persones, 4.210 más que va un mes, cuando la cifra taba en 54.284 persones apuntaes a les oficines de colocación del Principáu. Los datos suponen el reblagu más fuerte del paru en munchu tiempu y vienen a dexar la tasa de paru, sobre una población activa de 414.500 persones, nel 14'11%. Esta tasa ye la más alta d'España, per enriba incluso d'Estremadura, que tien tradicionalmente un tantu por cientu más altu qu'Asturies. La gravedá d'esta xuba conozse en viendo que mientres la media estatal de xuba del paru foi del 3,21% n'Asturies foi del 7,76%. Xineru ye un mes que siempre suel aportar datos malos de paru, pero en viendo la gráfica de los tres años últimos parez qu'esti 2.003 entama con muncha peor traza que los anteriores