El paru baxó n'Asturies en 1.232 persones n'abril

Abril del 2.004 nun franció cola tendencia a la baxa que suel presentar el paru nesti mes. La baxada asturiana del paru, que foi de 1.232 persones, acompaña a la d'otres 16 comunidaes autónomes nes que menguaron les llistes de demandantes d'emplegu, rescamplando ente les baxaes la de Baleares, onde la mengua foi del -15,23%.

La baxada del paru nel conxuntu del estáu foi asina del -2,21%, 38530 persones en númberos absolutos, la más spequeña dende va diez años.

D'otra manera, esti mes d'abril dexa a Asturies con una interanual probetaya. Ente abril del 2003 y del 2004 el paru xubió en 2.378 persones, ello ye una xuba del 4,32% respective a va un añu, cuando la cifra de paraos quedó raspiando la barrera de los 50.000 contra los 57.387 qu'hai anguaño y que dexen el punteru de la gráfica del paru mui altu respective al de los dos últimos años. Tolos datos puen consultase na web del INEM