El paru baxa col veranu

El paru baxó n'Asturies nesti mes de xunu acabante pasar, demostrando que la tendencia del mercáu llaboral asturianu a inflar en veranu y desinflar n'inviernu va marcándose cada añu un poco más. El fechu de que'l sector servicios, necesitáu de mano d'obra cuando más calca'l sol, fuere'l que tirare más pola baxada el paru vien a demostrar esta tendencia, y ye que de les 1.677 persones menos que quedaron en paru respective al mes de mayu, 1.421 alcontraron trabayu en sector servicios, por 165 n'industria. Construcción y agricultura rexistraron más paraos que en mayu, pero moviéndose en cifres simbóliques: 10 y 12 paraos más.

En total el descensu porcentual del paru n'Asturies foi del 3,20%, pero'l númberu de paraos sigue penriba de la barrera de los 50.000 al quedar en 50.805 persones que faen el 12,03 por ciento de la población activo, la segunda tasa mayor del estáu tres d'Estremadura.

Pa ver los datos totales, ver la web del INEM