El partíu abertzale nuevu refuga la violencia d’ETA

El representante de la izquierda abertzale Rufi Etxeberria anunció que'l partíu nuevu col qu’esta opción política pretende presentase a les elleiciones de mayu va oponese al usu de la violencia y de les amenaces, "incluyendo les d'ETA". La formación nueva, según precisó, "nin xustifica nin ampara l'usu de la violencia, seya'l que seya'l la utilice".
 
Etxebarria fixo estes declaraciones nun actu celebráu en Bilbao nel que la izquierda abertzale presentó los estatutos de la formación nueva, de la que nun se conocerá’l nome nin el logotipu hasta mañana. Nél tuvieron presentes, amás de dirixentes históricos de Batasuna, representantes de los partidos PNV, Aralar, Alternatiba, EB y Abertzaleen Batasuna y de los sindicatos ELA, LAB, STEE-EILAS, ESK y Hiru. Tamién acudieron dos representantes de CC OO a títulu personal.
 
Etxeberria aseguró qu'esti proyectu de la izquierda abertzale tien "una midida histórica" y, "como exe fundamental", una apuesta firme "poles víes polítiques y democrátiques", asina como por "un escenariu n'ausencia total de violencia". Calcó en que la izquierda abertzale adoptó'l compromisu firme y induldable d'apuesta poles víes puramente polítiques y democrátiques, "ensin vuelta tras".