El Parque Natural de Somiedu va rexistrar cinco actuaciones d'ameyoramientu

Van desendolcase esti branu.

Les obres van consistir na creación d'un puntu d'observación de fauna y paisaxe en Robléu; un senderu interpretativu na ruta de Castru; la señalización de pasos de fauna pa especies protexíes en carreteres de titularidá asturiana que tán dientro del parque; la reforma del aparcamientu del puntu d'observación d’Aguinu; y la meyora de la señalización de la ruta de los llagos. En total, la Conseyería de Desarrollu Rural y Recursos Naturales invierte 42.400 euros pal desenvolvimientu d'estes cinco actuaciones d'usu públicu y turísticu nel Parque Natural de Somiedu.

La mayor inversión llévala la construcción d'un mirador nel núcleu rural de Robléu, con un costu de 15.609 euros, que va ufiertar “una zona escelente pa la observación de fauna y una parada a los visitantes”, según apunta la conseyera María Jesús Álvarez. Va disponer d'un área de descansu y aparcamientu pa vehículos, y va adaptase pa persones con movilidá amenorgada.

Al empar, tamién se van reparar los murios de mampostería y la fonte del pueblu. A lo último, van asitiase una mesa de madera y un cubrecontenedores ensin teyáu (modelu Somiedu) pa los contenedores de basures esistentes y un cartelu señalizador panorámicu.