El Parque La Madalena, visita próxima de CaleyAvilés 2017

Ye la cuarta salida nesta edición de la iniciativa que permite conocer llugares del conceyu con un guía qu'usa l'asturianu.

La entrada del Parque La Madalena asitiada onde'l Colexu Públicu Enrique Alonso ye'l puntu d'alcuentru de toles persones que van participar nesta visitada guiada pel llugar prevista pal miércoles a les 18 hores. La participación en CaleyAvilés ye de baldre, pero hai qu'acutar plaza contautando cola Estaya de la Llingua d'Avilés nel númberu de teléfono 985.54.55.08 o nel corréu electrónicu estayallingua@ayto-aviles.es, yá que'l númberu de places ta llendáu a 25 en cada salida.

La siguiente actividá de CaleyAvilés ta prevista pa'l 21 de xunetu y va consisitir nuna visita guiada pel centru históricu d'Avilés, con aniciu na Casa Conceyu. Precisamente, esta zona de la villa protagonizó la primer salida d'esti añu, el pasáu 18 de mayu, pero nesa ocasión comenzóse per Sabugo.