El nacionalismu quebequés recupera protagonismu

Dempués de quedar nun segundu planu n'anteriores convocatories, el nacionalismu quebequés torna otra vuelta al primer planu de l'actualidá política canadiense en cuantes que tolos sondeos anticipen que nenguna de les dos fuerces mayoritaries, los lliberales de Paul Martin y los conservadores de Stephen Harper, nun van sacar la mayoría absoluta que precisen pa gobernar en solitario nes elecciones que se celebren güei nel Canadá. Ello pue facer de les formaciones pequeñes los árbitrios de la situación, anque los nacionalistes del "Bloc Quebecoise" de Gilles Duceppe, que namás se presenta nos territorios de fala francesa, nun van ser la única bisagra posible, en cuantes que tamién se presenta con bien de posibilidaes el "Nuevu partíu democráticu" amiestu d'izquierdistes y ecoloxistes con Jack Layton de candidatu. Otramiente, les elecciones vienen marcaes pol escándalu financieru que chisca a l'actual Primer ministru Paul Martin, que fuere ministru d'economía baxo'l mandatu de Jean Chretien