El númberu d’empreses asturianes que vendieron nel esterior medró un 15,8 por cientu

La Sociedá de Promoción Esterior Principáu d’Asturies (Asturex) informó esti miércoles de que’l númberu d’empreses esportadores del país medró un 15,8 por cientu. Pasó de 1.194 nel 2009, a 1.383 nel añu pasáu.
 
D’estes 1.383 empreses, 374 considérense esportadores regulares, esto ye, fixeron al menos una operación d’esportación en toos y cada ún de los años analizaos, frente a les 354 del 2009, lo que supón un incrementu del 5,6 por cientu. Mentes, les non regulares –aquelles que realizaron al menos una operación d’esportación nel añu consideráu–, son 1.009 nel 2010 frente a les 840 rexistraes l’añu anterior, un 20,1 por cientu más. El perfil d’estes empreses son pymes que tán nos sos primeros años del so camín internacional.
 
La evolución del númberu d’empreses esportadores nel periodu 2003-2010 foi positiva, yá que’l númberu total d’empresas medró un 53,3 por ciento (de 903 a 1.383): les esportadores regulares, un 21,4 por ciento (de 308 a 374), y les non regulares, un 69,8 por ciento (de 594 a 1.009). Toos estos datos foron recopilaos por Asturex del informe ‘'Perfil de la Empresa Exportadora en 2010’ espublizáu pol Instituto Español de Comercio Exterior (ICEX).