El Muséu de la Sidra de Nava va esponer pieces del SERIDA

El Conseyu de Gobiernu d'Asturies d'esta selmana aprobó un conveniu pol que la Fundación de la Sidra va restaurar materiales y preseos rellacionaos con esti elementu de la cultura asturiana que-y pertenecen al Serviciu de Desarrollu Agrícola (SERIDA) pa da-yos un aprovechamientu museísticu.

Los materiales que va apurrir el SERIDA van pasar a manes del Muséu de la Sidra de Nava en réxime de cesión indefinida, mientres qu'un taller d'emplegu xestionáu pola Fundación de la Sidra va encargase de facer los llabores de remocique y conservación que precisen los estremaos elementos qu'anguaño faen la "colección" del SERIDA y que tan almacenaos nes instalaciones del serviciu en Villaviciosa. Ente estos materiales hai caxes antigües de madera pa botelles de sidra y modelos de botelles, dellos de más de cien años d'antigüedá, amás de máquines pa enllenar les botelles y pa corchales, un alambique y material de llaboratoriu.