El Mundial d'internet

En namás once díes de competición, el web oficial del Mundial de Fútbol yátien batíos tolos récords de la historia de la tresmisión d'acontecimientos deportivos pela internet. Con cerca de 500 millones de visites, la web oficial de la FIFA yá pasa con muncho el récord de los pasaos Xuegos Olímpicos de Salt Lake City, que tuvo 350 millones de visites. El día que tuvo más solicitada la web mundialista, con 107 millones de visites, foi el 7 de xunu, cuando xugaron Arxentina contra Inglaterra. Un datu curiosu, l'inglés ye l'idioma en que se faen más consultes de la web, seguíu del xaponés y el chinu. Castellanu, Coreanu, Francés y Alemán siguen a bastante distancia.
Aparte del fenómenu na rede, la noticia futbolera del día ye la eliminación de Francia enantes de llegar a los octavos de final. La campeona del mundu ta acabante de perder por 2-0 contra Dinamarca, colo que marcha del Mundial ensin ganar un solu partíu. Los periódicos franceses yá espeyen en titulares el fracasu del equipu de Zidane