El miércoles detectáronse 384 casos nuevos

Hebo que llamentar la muerte de dos muyeres de 88 y 78 años na xornada.

A falta de la espublización de los datos oficiales de la COVID-19, la Conseyería de Salú informó de la detección ayeri de 384 contaxos –l'actualización auméntalos hasta 420 por casos non contabilizaos en díes previos–. Son 58 menos que'l martes, cuando se comunicaron 442.

Fixéronse 3.977 pruebes de diagnósticu d'infeición activa, polo que la tasa de positividá s'asitió nel 12,99 por cientu, inferior a la de la xornada previa, cuando quedó nel 14,22 por cientu con 4.171 tests realizaos. A 7 díes esti porcentaxe yera enantes de l'actualización del 14,45 por cientu –ayeri baxó al 14,34 por cientu–.

Dos muyeres de 88 y 78 años finaron cola cola enfermedá causada pol coronavirus SARS-CoV-2. Estes muertes aumenten la cifra total del andanciu a 1.988.

Según el comunicáu de Salú, hai 118 persones hospitalizaess con confirmación o sospecha de COVID-19, 5 más que'l martes. A ellos hai que sumar otres 22 que tán na UCI, 2 más que'l día anterior.

La ocupación total nos hospitales asturianos ye del 4,21 por cientu en plantas y del 7,38 por cientu na UCI, cerca del 5 y del 10 por cientu, de manera respeutiva, que llevaría a Asturies a entrar a nivel mediu y a dellos conceyos nun plazu de 6 díes al nivel d'alerta 4+, con toque de queda de 1 a 6 hores.