El meyor patrimoniu modernu

L'organismu de Documentación y Conservación del Movimientu Modernu (Docomomo) igual nun ye un nome demasiao popular, pero dende finales de los años 80 ye l'encargáu de catalogar y valorar tolos elementos del patrimoniu arquitectónicu y industrial que poles sos característiques s'enserten nel nomáu "Movimientu Modernu". Calca equí pa ver un llistáu con links a semeyes y reportaxes sobre los edificios más importantes d'esti estilu nel munduEllo ye que'l Docomomo Ibéricu, con sé na Fundación Mies Van der Rohe de Barcelona, tuvo valorando'l patrimoniu del movimientu modernu na península ibérica, y d'un total de 250 edificios y elementos que-y abultó qu'había que conservar, resultó que na menos que 33 tan n'Asturies, que se convierte d'esta manera nel llugar con un patrimoniu más ricu nesta estaya. Ente los elementos reconocíos pol Docomomo y pa los que la Conseyería de Cultura promete va incoar l'espediente de Bien d'Interés Cultural figuren el taller de cañones de la Fábrica d'Armes d'Uviéu o un total de 10 elementos dientro de l'antigua Ensidesa. Sicasí, van tener que meter priesa en guardalos, porque munchos d'estos edificios tan amenazaos de derribu, siendo quiciás el casu de Nitrastur en Llangréu el que más cerca tien la pala escavadora.