El McKinley recupera'l so nome orixinal

|

En llingua indíxena'l monte más altu de Norteamérica recibe la denominación de Denali.

Asitiáu n'Alaska, hasta agora tenía'l nome oficial de McKinley n'honor al presidente de los Estaos Xuníos ente 1897 y 1901, William McKinley, asesináu por un anarquista mientres caltenía esi cargu. La denominación de la cima, sicasí, llegó enantes, nel añu 1896, en sofitu a la so candidatura presidencial, anque nun se reconoció oficialmente hasta'l 1917, cuando se creó'l Parque Nacional onde ta asitiáu'l monte.

Conocíu de manera internacional y dientro del propiu país como McKinley, los ciudadanos d'Alaska caltuvieron el nome tradicional na fala, refiriéndose a él como Denali, que significa 'El grande' o 'L'alta' en llingua atabascana, en concreto pola del pueblu koyukon. Mientres la visita presidencial de Barack Obama a Alaska que se ta celebrando estos díes, la Casa Blanca anunció la modificación de la denominación del monte pa recuperar el so nome orixinal, cumpliendo asina les demandes de la población llocal. Nesi sen, el monte más altu de Norteamérica (6.168 metros) yá se denominaba de manera oficial dientro del estáu como Denali dende l'añu 1975, anque non a escala federal.

'Mount McKinley and Denali National Park Road 2048px» de Photo (c)2006 Derek Ramsey (Ram-Man) - Semeya propia. Disponible baxo la llicencia GFDL 1.2 vía Wikimedia Commons - https://commons.wikimedia.org/wiki/File:Mount_McKinley_and_Denali_Nation...

 

Contador Estadistiques