El mapa que va per delantre de la realidá

El serviciu de cartografía del Principáu tien una web na que puen consultase tolos mapes del país. Amañosa d'usar y con más información que munchos mapes de los de papel, esta web nun dexa de sorprendenos, y ye que l'actualización que-y ficieron de recién mángase per delantre de la realidá y inclúi, amás de los tramos de carretera acabantes d'inaugurar pel país, carreteres peles qu'entovía nun puen metese los coches y peles que, de momentu, nin siquiera anda la maquinaria d'obra Ente elles, ná más y ná menos que los empalmes a l'autovía minera. En serio.