El manifiestu 'Por un Gobierno de progreso' llega a los mil firmantes

Demanda un alcuerdu ente PSOE, Xuníos Podemos y Ciudadanos.

'Por un Gobierno de progreso' trátase d'un documentu que s'espublizó'l xueves con 450 firmantes, ente ellos destacaos políticos como'l voceru d'Izquierda Xunida na Xunta Xeneral, Gaspar Llamazares. Toos ellos esixen a estes trés formaciones polítiques un alcuerdu pa formar Gobiernu y evitar un Executivu lideráu otra vuelta por Mariano Rajoy.

En menos d'una selmana, más de mediu centenar de firmantes roblaron el manifiestu pa llegar a superar la cifra de mil. El diputáu de Compromís Joan Baldoví, l'escritor Juan José Millás, l'humorista gráficu Forges, el poeta Luis García Montero o'l pintor Antonio López son dalgunes de les personalidaes qu'apoyen esti documentu dende un primer momentu, mentes qu'otres como'l Premio Cervantes Antonio Gamoneda, l'escritor Vicente Molina Foix o l'artista Luis Eduardo Aute sofitáronlu nos díes últimos.