El Manglar entama una charra sobre la oficialidá

|
Cartelu charra oficialidá nel Manglar

Va ponela Inaciu Galán, mentes que va encargase de presentala Víctor Suárez.

'¿Por qué ye necesaria la oficialidá del asturianu? Drechos llingüísticos n'Asturies' ye'l nome de la conferencia a cargu del presidente d'Iniciativa pol Asturianu nel Manglar, chigre cultural uvieín asitiáu nel númberu 14 de la cai Martínez Vigil. Xunto a él va tar Suárez, maestru d'asturianu y alministrador de la Wikipedia n'asturianu, ente otres funciones.

Los asistentes al actu tamién van poder ver ‘La vida ensin oficialidá: les consecuencies de la falta de drechos llingüísticos n’Asturies’, documental fechu a costafecha por Iniciativa pol Asturianu y Cuatro Gotes Producciones pal Seminariu ‘Oficialidá, el camín constitucional pal futuru del asturianu’ entamáu nel Edificiu Históricu de la Universidá d’Uviéu en marzu. Ésti va tener llugar mañana a partir de les 19.30 hores, con entrada llibre.

Contador Estadistiques