El Macallan decídese esti sábadu

Esti sábadu ye'l concursu pa solistes de gaita más
prestixosu de toa Europa, onde un añu más los gaiteros asturianos
van intentar demostrar el bon nivel téunico algamao n'Asturies.

Nel concursu participen gaiteros gallegos y asturianos, ya que la
tipoloxía de les gaites ye daqué asemeyada. Tantu lo gallegos
como los asturianos tienen qu'interpretar pieces del so llugar de procedencia
asina como del otru país, pa demostrar el dominiu en ca unu de los
repertorios.

L'añu pasáu'l troféu llevólu Edelmiro
Fernández, gaiteru gallego d'altísimu nivel, colo qu'esti
añu "toca" traer el premiu p'Asturies depués de la
última victoria asturiana nel añu 2000 de Diego Pangua.

Dende Asturies.com vamos davos la información del ganador esti
mesmu sábadu pela tarde, gracies a un collaborador d'esti diariu que ta
nel festival bretón.