El llibru ‘Mitoloxía pa rapacinos y rapacines’ cuenta con una segunda edición más inclusiva

|
Cartelu presentación 'Mitoloxía asturiana pa la reciella'

El Grupu Epona edita la segunda edición del llibru ‘Mitoloxía pa rapacinos y rapacines’ baxo’l nome de ‘Mitoloxía pa la reciella’, más inclusiva que la primera. Espublizáu nel 2007, esta asociación cultural torna a asoleyalu pa que llegue a les xeneraciones nueves.

‘Mitoloxía pa la reciella’ recueye cantares, actividaes y dichos pa que la llectura y el deprendizaxe seya más prestoso. D’esta forma, les neñes y neños asturianos van poder conocer esta parte tan importante de la cultura asturiana como ye la mitoloxía.

Agora, más d’una década depués y tres convertise nuna ferramienta amañosa pa los docentes nes aules, llega esta segunda edición col oxetivu de que puedan disfrutar d’él les nueses xeneraciones y que destaca por ser más inclusiva que l'anterior. El llibru va presentase manaña na llibrería xixonesa La Buena Letra a les 20 hores.

Contador Estadistiques