El jazz envuelve'l Barucu esta nueche

El local xixonés vuelve a ufiertar esta nueche la oportunidá
de disfrutar d´una sesión de jazz, con dellos de los meyores
músicos d'esti xéneru musical n'Asturies. Nel escenariu va tar,
ente otros, el ganador del premiu al meyor pianista nos premios AMAS, Jacobo de
Miguel.



Jacobo va tener una gran compañía esta nueche, ya que nel
escenariu tamién van tar Javier Rubio al saxu, David Casillas col
contrabaxu y Alejandro Gallego a la batería. Asina topamos una
formación a la que nun tamos mui avezaos pero que resulta bien
interesante, pero qu'amás va completase cola collaboración
especial del guitarrista Carlos Pizarro, músicu asturianu emigráu
n'Holanda, y que nun dexa pasar oportunidá de venir a Asturies y echar
unos temes colos collacios y músicos. La entrada al conciertu ye de
baldre y va entamar sobre les 21:30 hores n'EL Barucu que ta asitiáu na
cai Almacenes de Xixón.



Otra manera, esti chigre de Xixón sigue cola bona costume d'entamar
conciertos, y pal día 30 d'esti mes yá tien preparada una nueche
de música y poesía n'asturianu, onde va actuar el dúu
Ígor Medio y Lisardo Prieto colos temes del so primer discu
"DUAL".