El III Outono Cultural enllena Bual de cultura

Bual va enllenase de cultura esti fin de selmana col “III Outono Cultural”. Lliteratura, música en directo y una mesa de redonda al rodiu la recuperación y conservación del patrimoniu cultural, formen el programa.

La presentación del llibru “Trenta razóis pa nun medrar” de Miguel Rodríguez Moteavaro va dar empiezu, a les 12.30 hores, a esti “III Outono Cultural” organizáu pola Asociación Xuvenil Mezá y que se celebra na Casa da Cultura de Bual.

Baxo’l títulu “A recuperación y conservación del patrimonio cultural: perspectivas, críticas y solucióis”, tien llugar una mesa redonda na que intervienen Pepe ‘El Ferreiro’, exdirector del Muséu Etnográficu de Grandas; Marta Elola, directora del Muséu Etnográficu del Oriente d'Asturies; l’etnógrafu Armando Graña; y el profesor d’Historia del Arte na Universidá d’Uviéu Gerardo Díaz Quirós. Xose Antón ‘Ambás’ ye’l coordinador d’esta mesa que va arrancar a les 18.00

Música en vivo
Les actuaciones del cautautor Toli Morilla y del grupu folk eo-naviegu Mezá, van zarrar l’actu. El conciertu de Toli Morilla empezará a les 19.30, mientres que’l de Mezá va ser a les 20.30.