El II Alcuentru Folclóricu n'Ayer anima Morea

|
Cartelu II Alcuentru Folclóricu n'Ayer

Una verbena, un festival de bandes de gaites, una nueche folk y un mercáu tradicional, dalgunes de les actividaes previstes.

La Banda Gaites El Gumial y el Grupo Folklore Allerán entamen el II Alcuentru Folclóricu n'Ayer ente güei y el domingu. L'actividá va comenzar a les 19 hores con un conciertu de los escolinos de les dos formaciones, pa siguir a la medianueche con una verbena col grupu K-Libre y una discoteca móvil.

El Mercáu Tradicional va abrir les sos puertes mañana, con horariu de 11 a 21 hores, que se va acortiar el domingu hasta les 20 hores. Pa les 17 hores ta previsto un desfile de les agrupaciones participantes nel Festival de Bandes de Gaites previu al propiu certame: La Laguna del Torollu, Teixo Manolo Quirós, Castro Bérgidum, Villaviciosa-El Gaiteru y l'anfitriona, El Gumial. Nesta xornada tamién va celebrase la Nueche Folk, de magar les 23.30 hores, coles actuaciones d'Anabel Santiago, Tejedor y Skama la Rede.

El domingu, a les 11.30 hores, va tener llugar una sesión vermú con Les Ayalgues d'Ayer, previa de la gran paellada, prevista pa les 14.30 hores. A les 18 hores va comenzar, mentes, el concursu de pareyes de gaita y tambor, pa poner el ramu del alcuentru folclóricu a les 19 hores con un conciertu de Dani y su Acordeón.

Contador Estadistiques