La versión asturiana de 'El Hobbit' yá ta disponible en llibreríes

La primer aventura de John Ronald Reuel Tolkien nel universu fantásticu de la Tierra Media, 'El Hobbit', yá se pue disfrutar n'asturianu. Dende esta selmana ta disponible en llibreríes.

Esta apuesta de Distribuciones Terrier promete ser un ésitu de ventes pola cantidá de siguidores de Tolkien y pol fechu de ser ún de los llibros d'aventures más conocíos del mundu, qu'agora podemos disfrutar na nuesa llingua. La versión asturiana de 'El Hobbit' va presentase esta tarde na uviedína Librería Cervantes y mañana na Librería Central de Xixón. Dambos eventos van celebrase a les 19 hores.