El Grupu de Baille San Félix prepara los alcuentros cola cultura tradicional en Candás

El Grupu de Baille "San Félix" de Candás prepara estes selmanes la que va ser yá la tercer edición de los "Alcuentros cola Cultura Tradicional'" que van tener llugar los díes 23 y 26 d'agostu del añu 2007 cola participación de grupos musicales d'Asturies, Galicia y de Lituania. Como yá ye vezu, el grupu asoleya con motivu d'estos alcuentros la revista "El Cuirno" prestosu estoyu de trabayos culturales y lliterarios que falen de Candás y de la contornada de Peñes. Hasta'l próximu día 15 de xunu, el grupu candasín, que tolos años asoleya bien de guíes y materiales sobre cultura y música tradicional d'esta parte d'Asturies, tien abiertu'l plazu pa recibir collaboraciones y artículos pa esta publicación, lo mesmo de calter lliterariu que periodísticu. Les collaboraciones puen unviase al corrréu electrónicu grupusanfelix@hotmail.com