El Gobiernu va principiar coles negociaciones de los Presupuestos el día 2

Barbón convoca a tolos partíos, cola esceición de VOX pola so postura antiautonomista.

El mayor anunciu del presidente del país nes primeres intervenciones de la segunda sesión del alderique d’orientación política xeneral correspondiente al añu llexislativu 2021-2022 foi l'entamu de les negociaciones de cara a los Presupuestos del 2022. La fecha afitada ye'l martes viniente, 2 de payares.

Fíxolo nuna réplica a Teresa Mallada, vocera del PP, que s'encargó d'abrir la xornada. Adrián Barbón convoca a toles formaciones menos a VOX, "por nun creer nel Estáu autonómicu", y pidió a la diputada que reconsiderara la so posición, llamentando que l'añu pasáu'l so grupu fora l'únicu que votó en contra de les cuentes.

Imaxe recortada a partir d'una semeya fecha por Armando Álvarez.