El Gobiernu va invertir 400.000 euros nuna campaña convidando a los ciudadanos a la participación nes votaciones

El Gobiernu asturianu va invertir 400.000 euros na campaña institucional pa informar y afalar al votu nes elecciones del próximu 27 de mayu a la Xunta Xeneral del Principáu y conceyos. La conseyera de Presidencia, María José Ramos, informó a la diputación permanente del parlamentu asturianu de que se presentaren al concursu d'alxudicación de la campaña nueve propuestes, nenguna d'empreses asturianes, y de que la Mesa de Contratación de la campaña va reunise darréu pa escoyer la propuesta ganadora.

La campaña va tener un presupuestu de 400.000 euros, el doble que nes elecciones del 2003, ello por causa del inxerimientu na mesma d'internet xunto con tolos medios escritos y audiovisuales asturianos. Pa esbillar a l'axencia ganadora van tenese en cuenta criterios de creatividá, estética, orixinalidá y calidá de la campaña.