El Gobiernu va desaniciar el llobu del Cuera

La Conseyería de Mediu Ambiente dio anuncia ayeri de que va contratar una partida d'ente ocho y diez cazadores espertos que, a lo llargo de diez meses, van tener un llabor únicu: desaniciar el llobu de la sierra del Cuera, nel oriente d'Asturies.

La viceconseyera Belén Fernández xustificó la midida polos curtios resultaos de los guardes, que dende va un añau p'acá namás batieron dos exemplares, ello con tar el 60% del xornal de los guardes dedicáu al control del llobu, según la conseyera. Los tiradores espertos, que van contratase al traviés de la empresa TRAGSA, cuéntase con qu'entren en serviciu en cuestión de díes. A lo llargo del 2004, la Conseyería de Mediu Ambiente resolvió más de 1.500 espedientes d'ataques al ganáu, que-y supunxeron un gastu a l'alministración de 446.791 euros en conceptu de compensaciones, una cifra que quedó nel 2005 en 1.254 espedientes y 344.681 euros n'indemnizaciones.