El Gobiernu reconoz la prestación económica por baxa llaboral pal cuidáu de neños con enfermedá grave

MADRID, 29 de Xunetu (EUROPA PRESS) El Gobiernu aprobó esti vienres en Conseyu de Ministros el Real Decretu que regula la reconocencia, en tolos réximes del sistema de la Seguridá Social, d'una prestación económica pal cuidáu de menores afectaos por cáncer o otra enfermedá grave. Asina, van beneficiase los proxenitores biolóxicos, adoptantes o acoyedores que rebaxen la so xornada de trabayu en, polo menos, el 50 per cientu pal cuidáu del menor al so cargu, afectáu por cáncer o otra enfermedá grave y siempre que trabayen los dos. Cuando ambos tuvieren derechu a la prestación sólo va poder reconocese a ún d'ellos.