El Gobiernu quier festexar el 12 d’ochobre con protocolu

El Gobiernu decidió convocar a tolos grupos parlamentarios pa consensuar un protocolu de celebración del 12 d'ochobre que permita'l "respetu" a la bandera d'España, a los cayíos y a les Fuerces Armaes, según dixo la ministra de Defensa.

En declaraciones a los periodistes tres asistir a un almuzeru informativu del presidente de la Generalitat de Cataluña, José Montilla, la ministra Carme Chacón llamentó qu'ayeri "grupos de reventadores" faltaren al "respetu" a les Fuerces Armaes, "a la bandera nacional y hasta a los cayíos por España y los sos familiares", que según aseguró, taben "mui molestos" con esta actitú.
  
Poro, animó a "estos grupos de reventadores" a espresar el so malestar col Gobiernu mientres los otros 364 díes del añu y hasta, si quieren facelo'l mesmu día 12 d'ochobre, a que tengan "el valor" de convocar una manifestación. "Pero que nun perxudiquen una fiesta de toos", reclamó antes de desvelar la intención del Gobiernu de consensuar con tolos grupos parlamentarios un protocolu d'actuación sobre’l Día la Hispanidá y el desfile.