El Gobiernu pide’l preste al TSXA pa poner el toque de queda en 8 conceyos

|
Conseyu de Gobiernu pidimientu TSXA toque de queda

El Conseyu de Gobiernu decidió solictar al Tribunal Superior de Xusticia d’Asturies (TSXA) el preste pa poner toque de queda en 8 conceyos del país de 1 a 6 hores y limitaciones a los axuntamientos. Son Carreño, Xixón, Gozón, Llaviana, Mieres, Uviéu, Siero y Villaviciosa, qu’entrarán en 4+ el vienres y activirán les midíes el llunes.

Al afeutar a derechos fundamentales y nun tar activu l’estáu d’esceición o d’alarma, l’Executivu tien de dar esti pasu previu pa poder aplicar la restricción de movilidá y aconceyamientu p’aquellos conceyos qu’entren en nivel d’alerta 4+. Catalunya, Comunitat Valenciana, Navarra y Cantabria yá algamaron el preste de los sos tribunales pa poner toque de queda, mentes que’l de Canarias refugó’l pidimientu del Gobiernu canariu.

De la llista que se manexaba’l llunes cayóse definitivamente Llanes pol ameyoramientu de la so incidencia acumulada a 14 díes, polo que son 8 los conceyos nos que s’impondría’l toque de queda, la llende de 6 persones non convivientes n’interiores y de 10 n’esteriores, y la revisión de los eventos multitudinarios previstos neses feches: Carreño, Xixón, Gozón, Llaviana, Mieres, Uviéu, Siero y Villaviciosa. La entrada en 4+ dende esta medianueche impondría dende’l llunes les midíes y recomendaciones per 14 díes que se van anunciar pa esti nivel d’alerta, cola esceición de les qu’afeuten los derechos fundamentales, como’l toque de queda, que quedaríen a la espera del dictame del TSXA.

Semeya d'Armando Álvarez.

Contador Estadistiques