El Gobiernu nun almitió enmiendes sobre llingua y cultura asturianes

La selmana pasada la Xunta Xeneral del Principáu acabó'l debate sobre los presupuestos autonómicos pal añu 2.003. Ente les enmiendes que presentó la oposición había delles del Grupu Parllamentariu d'IU y de la URAS referíes a les partíes pa llingua y cultura asturianes. Va quince díes, los diputaos de la URAS yá avisaren del taragañazu presupuestariu que diben llevar estes dos estayes. Lo mesmo los renovadores que la coalición d'izquierdes, que pidía un plan de normalización sociollingüísticu y un plan urxente de recuperación de la memoria oral alcordis a la lletra de la llei de patrimoniu, presentaron enmiendes a los presupuestos en materia de llingua y cultura asturianes a les que'l Gobiernu asturianu nun prestó mayor atención.