El Gobiernu noma a los responsables de les secretaríes téuniques de nueve conseyeríes

La xixonesa Andrea Suárez Rodríguez ocupa la de Cultura, Política Llingüística y Turismu.

El Conseyu de Gobiernu aprobó esta mañana'l nomamientu de les persones que van ocupar les secretaríes xenerales téuniques de nueve conseyeríes, pasu que supón un avance pa perfilar los diferentes departamentos del Executivu y la ordenación de les sos xeres y funciones. La estructura de l'Alministración constitúi l'armazón organizativu que permite dar cumplimientu al programa de Gobiernu, permitiendo esta escoyeta l'afondamientu na configuración de diches estructures, que se completará nes selmanes próximes.

La encargada de la secretaría xeneral téunica de Cultura, Política Llingüística y Deporte ye Andrea Suárez Rodríguez (Xixón, 1979), llicenciada en Derechu pola Universidá d'Uviéu, que venía ocupando dende'l 2011 la xefatura de serviciu d'Asuntos Xenerales na Secretaría Xeneral del Serviciu de Salú del Principáu d'Asturies (Sespa), mentes que n'Educación va selo Begoña Fernández Suárez (Xixón, 1964), tamién llicencia en Derechu y con esperiencia nesta función. El restu de nomamientos complétenlo María del Mar Martínez Salmerón (Presidencia), Juan Antonio Baragaño (Facienda), Luis Carmelo Ménguez (Industria, Emplegu y Promoción Económica), Eulalia Fernández Méndez (Salú), Gloria Gadea Badal (Derechos Sociales y Bienestar), José Manuel Senén Casal (Desarrollu Rural, Agroganadería y Pesca) y Beatriz Alejos (Ciencia, Innovación y Universidá), quedando pendiente de conocer la persona qu'ocupe esti cargu n'Infraestructures, Mediu Ambiente y Cambiu Climáticu.

Semeya obra d'Armando Álvarez.