El Gobiernu dio-y el preste a la Ciudá del Motor de Tinéu

El presidente asturianu Vicente Álvarez Areces asistió ayeri al Conseyu de Gobiernu que se celebró en Tinéu con motivu de que na sesión d'ayeri diben tratase dellos asuntos tocantes a esti conceyu del occidente d'Asturies, incluyendo inversiones por importe de 25,7 millones d'euros.

La estación nueva d'Autobuses, l'ampliación del Polígonu de La Curiscada y del Centru d'Empreses, xunto con delles actuaciones en carreteres, l'ampliación de la Residencia y creación del Centru de Día pa xente mayor, una ayuda a la empresa del conceyu "Cafés el Gallego" y la creación de la "Ciudá del Motor" yeren los asuntos a tratar. El más importante d'ellos va ser el de la ciudá del motor, un complexu d'equipaciones deportives rellacionaes col mundu del motor que se quier que nel añu 2009 yá tea en condiciones d'agospiar un open internacional de karts y que tien un presupuestu de 6,4 millones d'euros cofinanciaos pol mesmu Conceyu de Tinéu, el Gobiernu asturianu y el Conseyu Superior de Deportes.