El Gobiernu destina 18.000 euros a ayudes pal espardimientu del deporte tradicional

|
Cuatriada

La cantidá presupuestada ye la mesma qu'en convocatories anteriores d'esta subvención.

La Conseyería d'Educación y Cultura ta acabante d'anunciar una llinia d'ayuda pa la información, formación y espardimientu del deporte tradicional asturianu nel añu 2019 "cola fin de dotalos de visibilidá y asina collaborar cola so preservación, afitamientu y identificación de los mesmos coles costumees asturianes como una amuesa más de la so idiosincrasia". Ésta tiene una cuantía total de 18.000, con un máximu de 18.000 euros por proyeutu.

A esta subvención pueden acceder namái entidaes deportives. El plazu pa presentar solicitúes ye de 20 díes habíles a partir d'ayeri, cuando s'espublizó nel Boletín Oficial del Principáu d'Asturies (BOPA), siendo'l de xustificación de dos meses dende la celebración del proyeutu y d'un mes nel casu de que yá s'entamara.

Semya obra d'Ángel M. Felicísimo baxo llicencia CC BY-SA 2.0

Contador Estadistiques