El Gobiernu decreta la reapertura de la ría del Eo pa la estraición de moluscos

La Dirección Xeneral de Pesca Marítima tomó la decisión n'acotando que nos analises realizaos caltiénse inalterada la condición sanitara na zona.

El Gobiernu procedió güei a la reapertura de la zona de producción de la ría del Eo (AST 1/01) pa la estraición de toles especies esplotables. La midida adoptóse en verificando que les condiciones sanitaries de les que gocia la zona nun se vieron alteriaes pol arramáu de la pasada fin de selmana.

La emisión de residuos que se produció'l domingu nel regueru Ouria, afluente del Eo, provocó que se decretara'l zarru cautelar mientres el llaboratoriu de Salú Pública daba en realizar analís que dexaren determinar les condiciones sanitaries del área.

Los resultaos ratifiquen que se caltuvieron los niveles previos al arramáu na zona de producción de bivalvos de la ría y polo tanto decretóse la reapertura pa la estraición de moluscos.