El Gobiernu d'Asturies invierte 39.000 euros nes obres p'acondicionar la Sienda del Osu

Les obres entamarán la prósima selmana y vana ameyorar la seguridá de la ruta.

La Conseyería de Desenvolvimientu Rural y Recursos Naturales va invertir 39.000 euros nes obres p'ameyorar la Sienda del Osu nos conceyos de Santu Adrianu, Proaza, Teberga y Quirós, que van empecipiar la próxima selmana.

El plazu execución del proyectu ye de tres meses y consiste na sustitución de les valles de madera que s'atopen en mala traza nos tramos de mayor peligrosidá, nunos 1.817 metros. Tamién van  sustituise de pasamanes en pontes y pasareles en @550 metros y refuerzu en pontes pa la seguridá de los usuarios.

Les obres fueron consensuaes colos conceyos de Santu Adrianu, Proaza, Teberga y Quirós. La execución de los trabayos va ameyorar la seguridá piatonal y cicloturista de la Sienda del Osu, que presenta un importante deterioru tres casi 21 años de funcionamientu.

Esti percorríu, ún de los más frecuentaos d'Asturies, constitúi un importante elementu turísticu de la zona.