El Gobiernu da a la sala de la planta baxa de Presidencia'l nome de Belarmino Tomás

Aprobólo'l Conseyu de Gobiernu a propuesta d'Adrián Barbón pa reconocer al dirixente socialista como presidente del Conseyu Soberanu d'Asturies y Lleón.

La sala de la planta baxa de la sede de Presidencia, onde se conserva'l mobiliariu del despachu de Belarmino Tomás, va llevar el nome del llangreanu. L'artículu 18.3 de la Llei del Principáu 1/2019 pa la Recuperación de la Memoria Democrática da especial relevancia a los integrantes del Conseyu Interprovincial (avientu del 1936-agostu del 1937) y del Conseyu Soberanu (agostu del 1937-ochobre del 1937), de tal manera qu'eses persones reciban un tratu análogu al que se-y concede a los que formaron parte de los diferentes gobiernos autonómicos.

Anque esi desarrollu reglamentariu entá nun se concretó, l'Executivu considera procedente'l reconocimientu honoríficu a Tomás. N'abril, el Conseyu de Gobiernu yá diera'l nome d'otros ex presidentes, en concreto Rafael Fernández Álvarez –conseyeru tamién de Facienda del Conseyu Soberanu y xenru de Belarmino–, Pedro de Silva, Sergio Marqués y Vicente Álvarez Areces, a otres estancies de Presidencia.

Na semeya, despachu de Tomás.