El Gobiernu crea’l Conseyu de Llingües Oficiales col envís d’asegurar l’usu de les llingües cooficiales

El Conseyu de Ministros aprobó la selmana pasada un Real Decretu pol que se creen dos organismos nuevos pa regular y l'usu de les llingües cooficiales nel estáu. D'una parte, el Conseyu de les Llingües Oficiales n'Alministración Xeneral del Estáu, y d'otra Oficina pa les Llingües Cooficiales. L'executivu asegura que con estes nueves entidaes quier asegurase que los ciudadanos de Comunidaes Autónomes con llingua oficial propia "puean exercer de manera plena'l so derechu a tratar cola Alministración xeneral del Estáu na so llingua, nos términos qu'apauten les lleis.

Nel Conseyu hai representantes de tolos ministerios, pero al empar esti organismu quier convertise nun instrumentu abiertu a la participación de les Comunidaes Autónomes. Ente les sos responsabilidaes va tar la d'impulsar y coordinar l'actuación de tolos Ministerios y organismos de l'Alministración Xeneral del Estáu tocante al usu de les llingües oficiales de les Comunidaes Autónomes. El Conseyu va poder proponé-y al Gobiernu, per aciu del Ministeriu d'Alministraciones Públiques planes d'actuación y fórmules de collaboración coles Comunidades Autónomes.