El Gobiernu confirma nomamientos nuevos

La periodista y escritora Nuria Varela va tar al frente de la Direición Xeneral d'Igualdá.

El Conseyu de Gobiernu aprobó ayeri diez nomamientos nuevos, que se sumen a los 44 de la selmana pasada. D'esta forma queden cubiertes 43 de les 44 direiciones xenerales, de les que 22 van tar dirixíes por muyeres.

L'alta presencia femenina nes direiciones xenerales y altos cargos quier ser una seña d'identidá del Executivu d'Adrián Barbón, a lo qu'hai que sumar la paridá nes conseyeríes, cinco responsabilidá de muyeres y cinco, d'homes. Nesi sen, dio a conocer la encargada d'Igualdá, dependiente de Presidencia, que va ser Varela, esperta na materia.

Los nomamientos últimos son los siguientes:

• Direutora xeneral d'Igualdá: Nuria Varela
• Direutor xeneral de Sector Públicu, Seguridá y Estratexa Dixital: Javier Fernández Rodríguez
• Direutora xeneral del Institutu Asturianu de la Mocedá: Clara Sierra
• Direutora de l'Axencia Asturiana de Cooperación al Desarrollu: Beatriz Coto
• Direutora xeneral d'Ordenación, Evaluación y Xusticia Educativa: Paula García Martínez
• Direutor xeneral d'Enseñances Profesionales: Javier Cueli
• Direutora xeneral de Servicios Sociales y Mayores: Trinidad Suárez Rico
• Direutora del Institutu d'Alministración Pública Adolfo Posada: Begoña Enedina Huergo
• Interventora xeneral del Principáu d'Asturies: Ana Masa
• Direutor de l'Axencia de Seguridá Alimentaria, Sanidá Ambiental y Consumu: José Ignacio Altolaguirre