El Gobiernu completó'l repartu de les medayes d'Asturies pal 2007

El Conseyu de Gobiernu d'Asturies decidió na so xunta d'ayeri'l repartu de les Medayes d'Asturies 2007. La Sociedá Filarmónica d'Uviéu nos sos cien años, l'Asociación de Muyeres Campesines y la Unidá Terapéutica y Educativa del Centru Penitenciariu de Villabona son les nueves medayes de plata que s'amiesten a las que yá se conocíen, la d'oru a títulu póstumu al abogáu y presidente del patronatu del Muséu del Prado Rodrigo Uría, y les de plata a la llibrera Conchita Quirós, al Grupu Empresarial Daniel Alonso nos sos 50 años, y al Comité Organizador del Descensu Internacional del Seya nos sos 75 años. Toes estes medayes van entregase con motivu del Día d'Asturies, ocho de setiembre.