El Gobiernu asturianu tranca una factoría d’aluminiu

La Conseyería de Mediu Ambiente, Ordenación del territoriu y Infraestructures ordenó'l pieslle preventivu de la empresa Alusigma, asitiada en Xixón, tres que los servicios de la Conseyería detectaren que la empresa, dedicada a producir aluminiu a partir de chatarra, nun cumplía coles normes d'emisión de gases a l'atmósfera, a la que vertía los vapores contaminantes del fornu de fundición.

Dende'l Gobiernu asturianu aseguren qu'Alusigma, que tien agora n'espediente de regulación d'emplegu a los sos 29 trabayadores, yá recibiere'l 7 d'ochobre del 2005 alvertencia de que taba incumpliendo la llei en materia mediuambiental y que tenía que proceder al pieslle temporal de les sos instalaciones hasta qu'instalare nelles los procesos precisos pa menguar el nivel d'emisiones y asina poder facese cola autorización de xestión ambiental integrada que-y permitiría siguir col so llabor. Dende la Conseyería afírmase que foi tres del incumplimientu de la empresa que l'ún de febreru se mandó'l pieslle de la mesma.