El Gobiernu asturianu entama un programa de mengua d’emisiones contaminantes

La conseyera de Mediu Ambiente Belén Fernández, informó ayeri del entamu d'un programa de midíes institucionales empobinaes a combatir el cambéu climáticu. Con 4.065.000 euros ente los años 2008 y 2012, el plan espeya un paquete d'actuaciones ente les que s'alcuentren l'usu de biocombustibles na flota de vehículos del Gobiernu y la meyora del aforru y eficiencia enerxética de los equipos informáticos.

La directora de la Oficina pa la Sostenibilidá, el Cambéu Climáticu y la Participación, Nieves Roqueñí, esplicó que'l plan inclúi 15 midíes ente les que s'alcuentren aforru enerxéticu, movilidá sostenible, consumu responsable y midíes tresversales. L'alministración va menguar el recibu de la lluz emplegando bombilles de baxu consumu en cuenta de les incandescentes, va colocar de sensores de presencia en locales de pocu usu. El Gobiernu va centrase tamién d'agora en p'alantre nel usu de coches que funcionen con biocarburantes y híbridos, asitiando tamién aparcaderos de bicicletes nos edificios públicos. Nes oficines va emplegase papel reciclao y va facese un apueste pola mengua derl consumu de papel potenciando'l documentu dixital.