El Garrapiellu visita'l románicu xixonés

La ruta va celebrase esti sábadu con salida en Serín y final en L'Abadía Cenero.

L'actividá, entitulada 'Ruta del románicu y patrimoniu xixonés', ye llibre pa tola ciudadanía y nun fai falta apuntase de manera previa. La convocatoria ye pa les 10 hores na estación de tren, onde va garrase un tren a Serín, llugar de comienzu de la visita entamada pola Tertulia Cultural El Garrapiellu.

La ilesia de San Miguel de Serin, onde va coincidise con una boda, abre la ruta, que va continuar con un partida de dexabolu en Trubia. Darréu va visitase una villa romana y el Turruxón de los Valdés, pa siguir cola xinta, pa lo que caún ha de llevar los sos propia comida.

Tres beber unes botelles de sidra, la visita va finar en San Xuan de Cenero onde, alredor de les 17 hores, los asistentes garrarán un autobús municipal pa tornar pa la ciudá.