El galipote llegó a Portugal

El galipote del Prestige amenaza con facese plaga mundial. Si los franceses entraben l'añu recibiendo los primeros raspionazos de la marea negra qu'avanza pa contra ellos, los reis magos dexaron la otra nueche daqué de galipote a l'altura d'Esposende, en Portugal, que tampoco ye a llibrase de la marea negra. Polo que respecta a Asturies, el parte de güei da una llista de 34 playes afectaes pol galipote, que daña más la costa dende Cuideiru pa contra l'oriente, mientres que l'occidente queda un poco más a salvo, con namás dos playes afectaes en conceyu Valdés. Otramiente, el web oficial del Principau sobre la marea negra lleva ensin actualizase dende l'añu pasáu…