El galipote del Prestige va salir a flote

Nestos díes en qu'el submarín "Nautile" anda taponando les resquiebres en cascu del Prestige, el mesmu Comité Asesor del Gobiernu vien a reconocer nun informe acabante d'espublizar qu'esti llabor pue que nun valga pa muncho, porque lo más fácil ye que'l ferruñu coma la chapa del barcu d'equí a la vuelta de venti o trenta años, dexando que marchen pa la superficie les cerca de 40.000 tonelaes de galipote qu'entovía-y queden dientro al peciu. El barcu, que suelta una tonelada tolos díes, criaría furacos en 23 años de ponese no peor, mientres que les perspectives más prometedores ponen l'aguante de la chapa en cuarenta-cincuenta años. L'informe diz tamién que la chapa va aguantar menos per onde tien arrancada la pintura, que ye tolo que franció y raspió col fondu.