El futuru de les llingües minoritaries na Europa ampliada

Tres del procesu d'ampliación de la Xunión Europea, la Europa Comunitaria va tener oficialmente 25 estaos miembros y el repertoriu de llingües oficiales de la mesma va llegar a los venti idiomes, pero a nadie nun escapa'l fechu de que les llingües que se falen na XE son munches más. Sicasí, la nueva diversidá llingüística de la XE ye bien raro qu'apaeza nes declaraciones oficiales, y incluso esi multillingüismu "a venti" pue convertise nos fechos nun pseudomulltillingüismu "a trés" nel que namás les llingües con más falantes y les que tengan a los estaos más poderosos tres d'elles seyan les que s'impongan a les demás.

En rempuesta a esta situación, les organizaciones esperantistes de toa Europa decidieron facer bandera de la defensa de la diversidá llingüística del continente y convoquen pa esti 9 de mayu una manifestación n'Estrasburgu pa la que convoquen a toles asociaciones de defensa de les llingües minorizaes d'Europa. De momentu, ente les organizaciones convocantes tan, xunta les asamblees esperantistes de tol continente, entidaes como'l colectivu d'enseñanza de la llingua bretona Diwan