Como yá ye tradicional, el FUSOA (Fondu Unitariu de Solidaridá Obrera d'Asturies) entama la Folixa del Primeru de Mayu, nesta ocasión na so quinta edición y con una duración de dos dies. Asina esti llunes 30 van actuar nuna carpa asitiada en L'Atalaya de Cimavilla, en Xixón, a partir de les 17:00 h. los grupos Lendakaris Muertos, Skama La Rede, Insershow y Skontra. El martes 1 de mayu el conciertu entamará a les 16:00 h. nel mesmo llugar y los grupos que van tocar son Blima (Folk), Merino (Solista Di-Versiones Revolucionaries), Astur Sound (Reggae Soundsystem) y Los Osos (Rock). La entrada pal primer día ye de 8 euros y de 5 pal segundu de los conciertos.
Tamién el martes día ún en L'Atalaya a partir de les 14:00 h. va entamse una xinta popular, organizada pol sindicatu Corriente Sindical d'Izquierdes.