El fueu abrasa Australia

Mientres nel hemisferiu norte tamos no más frío del iviernu, nel sur ta apertando'l calor del veranu, que vien acompañáu de bien d'incendios. Australia ta sofriendo enforma'l dañu del fuéu, y dende la selmana pasada, la islla ye escenariu del mayor incendiu na so historia. En Victoria, pal sureste del país, hai ocho incendios, y pa la parte de Nueva Gales del Sur, el Parque de Kosciuszko lleva abrasaes cerca de 40.000 hectaries, anque lo más gordo ta pa la rodiada de la capital Canberra, con 6.000 hectaries yá quemaes y la llinia de fueu metiéndose per pueblos y ciudaes. Aparte de la llucha contra les llaparaes, la grandísima cantidá de fumu que llega a les ciudaes ye otru gravísimu problema que tan teniendopa garantizar la seguranza de la xente.L'incendiu pue seguise pela rede dende'l serviciu de Sentinel, una axencia estatal creada pal control de los incendios y que ta apurriendo un información importante nel llabor de llucha contra'l fueu poniendo na rede tolos díes un estoyu de semeyes de satélite y mapes que dicen per onde va'l fueu y cuanto lleva avanzao.