El final de les etapes asturianes de La Vuelta va ser ensin públicu

La organización de la carrera toma la decisión de restrinxir el pasu a nueve altos, ente ellos la Farrapona y L'Angliru, pola situación sanitaria pola pandemia de COVID-19.

A ochos díes del entamu de La Vuelta, con un percorríu ente Irun y el puertu d'Arrate, Unipublic decidió ampliar la decisión tomada nes etapes vasques a tola competición. Nin nel citáu Arrate nin en La Laguna Negra, el Tourmalet, Orduña, Moncalvillo, la Farrapona, L'Angliru, el Mirador de Ézaro y La Covatilla, nueve finales n'altu, va haber públicu nes carreteres.

D'esta forma, los aficionaos asturianos van tener que ver per televisión les dos xornaes pel nuesu país d'esta edición, la úndecima y la decimosegunda: Villaviciosa-L'Altu la Farrapona (31 d'ochobre) y La Pola Llaviana-L'Angliru (1 de payares). Tamién va haber restricciones pa les salíes y nun se van entamar les tradicionales actividaes comerciales y publicitaries qu'acompañen a La Vuelta y que suponen un atractivu pa los ciudadanos de los llugares per onde pasa la carrera ciclista.

Na imaxe, final d'etapa en la Farrapona del 2011, primer vegada na que se xubió, na que ganó l'estoniu Rein Taaramäe.