El festival de Tapia, seis díes de música y actividaes

Dempués del Festival Intercélticu d 'Avilés,
llega otru festival que tamién va medrando n'actividaes y tiempu.

El Festival de Tapia llega esti añu a la sesta edición,
colo que ya paez que tien fechu un sitiu dientro de los festivales y nueches
folk que se faen n'Asturies. Esti festival ya tien nel so programa, charres
sobre temes rellacionaos cola cultura tradicional, talleres, concursos,...etc,
amás de les clásiques nueches folk y desfiles de bandes de
gaites.

Pa esta edición van participar delegaciones de dellos
países, Escocia, Galicia, Bretaña, Italia...etc, bandes gaites,
grupos folclóricos, bandes de folk y espertos que darán charres
sobre cultura tradicional. Tolos díes, menos l'últimu, va haber
"noite folk" con grupos como "Ribendrel" (Granada), "Corquiéu" (Asturies),
"Aran" (Galicia), "Mack Feck" (Escocia) . Vos ponemos
equí tol programa pa
que podáis escoyer que parte del festival vos interesa más.