El Festival de la Cerveza d’Avilés llega a la so XIII edición

La Plaza d'Abastos d'Avilés acueye dende güei el XII Festival de la Cerveza, que va espurrise hasta'l 25 d'agostu. Dende les 19.00 y hasta les 23.00 hores, el certame va ufiertar al públicu más de 100 marques de cerveza de tolos países, con especial protagonismu pa les belgues, alemanes, mexicanes, ingleses, americanes y les de la república checa. En total va haber 24 puestos con cerveza y embutíu, anque , amás de la bebida, el festival va tener tamién actuaciones musicales en directo. Los grupos Tomara (Bossa Nova) y Magamalabares, un grupo de pop brasileñu, son los qu'abren el certame. El miércoles 22 a les 21.00 h van tocar "Los Norteños" (música llatina) y a les 22.30 "Clave de Son". El xueves a les 21.30 hores Ibbur (folk) y Dead End (country). El vienres 24 van tocar "Crossroads" (blues), a les 22.00 "El Callejón" (pop español), a les 23.00 h "Memphis" y a les 24.00 h "The Box" (pop inglés). El sábadu, pa echar el piesllu al festival, dende les 21.00h van tocar "RyB" "Abbey Road" "Soulman" y NDKE.